疾．馳．殘．影……嘩，個名咁繞口……

近日買左隻 PS3 新 Game
明明應承個自己為了銀包要買討厭的二手嘛……
不過這遊戲實在太吸引，所以還是買了一手。



Blur 既意思係模糊，
我諗製作人既意思係你架車會快到變殘影之類。
模唔模糊我就唔知，不過 d Power-Up 好過癮就真。





賽事入面會有各種唔同既 Power-Up，
玩左陣，我就發現我玩喱隻 Game 會好熟手……
因為真係好似一隻大家上堂會同成班同學連機既 NDS game……
《瑪利奧賽車》……靚車版咁解。





Blur 有追蹤電球（Stun）啦……紅龜；地雷（Mine）……蕉皮
氮氣（Nitro）……磨菇；三支唔識直射既箭……三隻綠龜………
如果唔係因為我見唔到紅色水管工人之類既物體，我架車又係 GTR，
我真係以為自己玩緊《瑪利奧賽車HD》……………




【網上版，我搵唔到單機既 Screenshot】


每一場 Race 大約四五分鐘就可以搞掂，
速度感好高，爽過《Mario Kart》果種龜速好多。
但係又有佢果種「去到最後一秒都可以靠隻紅龜……唔係，一個 Stun 去反敗為贏」既刺激。
而且唔難玩，我當年玩《Need For Speed》同《GT》玩到想喊，
而且落街打灣岸，我可以用部 tune 爆既車輸比部 600HP 既，
證明我係一個賽車白痴，但喱隻 Game 我真係好鐘意玩。


略略介紹幾部靚車……

—Audi R8

—Nissan GTR


仲有，我見到大黃蜂！

好彩佢唔識變身，識就唔洗玩，我賣 Game [sosad]


由於我都係無條網線既關系，
我未試到佢個網上 20 人大戰可以有幾爽。
我遲d 再加多個《Blur 網上 20p 大戰後感》上離呀 :P