不過本文章針對主題作出回應既內容得一句：
「沐到我成身濕哂，我〔消音〕」
嗯，阿寶應該係問我點解唔帶遮………還是話我點解成日重複唔帶遮喱個錯誤？ OTZ
講笑，邊會得一句。
尋日同 Elly、Judy、牛牛麥明夫夫（！？）、子翔……呀唔係，子翱同埋阿欣唱Ｋ，
過程……………全 Skip！Ｋ你未唱過？係Ｋ房可以有咩特別？我燒左張梳化？
一出 NOWAY 門口，（無串錯，我特登）
驚見原來落好大雨。
不過，大家都話：「唔洗驚，
我地有最偉大既 Chem Notes！」
結果大家就囉 Chem Notes 當遮。
我無咁做，因為我得本好貴好貴好貴既 EAA 原裝 Chem 08 年 Past Paper
所以我尋日沖左兩次涼，一次係銅鑼灣街頭…………
另外我想講下兩樣野……
首先就係我係高登睇到既喱個 post
韓國學者研究證明日語【平假名】起源於韓國
回應：
喱張圖真係好好用，反正三頭半個月韓國科學家又有新 paper 話「XXX 源於韓國、XXX 是韓國人」
當然有人會比較喜歡喱一張……
是〔消音〕但啦，韓國d 科學家其實全部都係藝人，睇佢地d paper 仲好睇過 Super Junior
第二樣，
同面書有關，
喱排 Facebook 特然多左好多人開 Group
先一輪就「自嘲」「自嘲」「自嘲」「自嘲」「自嘲」「自嘲」
再有一輪係「反對XXX做過YYY行為」，「反對XXX，大家一齊數臭佢」
首先講「自嘲」
老老豆豆，佢今年無出「潛水」、「屈機」、「是咁的」、「我暗戀你娘親」我都好多謝 EAA
份卷就真係好很難，不過有人話之前有d 仲難既我就唔很知啦。
但係，先唔先開咁多個 Group 呀！？
咩叫「集中 Post」？有無上過高登呀？？
梗係成村人入一個 group 先疊馬嫁嗎！
還是開 group 既人心態如下：
是關你個group 有份咁上下人，d 好很懶去搵料既雜志會訪問你當一期，
咁就真係「位已上，水已威」囉………
死啦，唔會有人開 group 反我嫁？我個 blog 好似得我自己一個睇嫁喎。
咁我地又賴到去另一個問題啦喎，
「反對XXX（下略）」
理論上，Facebook 設計 group 喱個功能一定唔會係用離借刀*
*借刀：是高登用詞之一，意思即借刀殺人。指借高登論壇或高登網友陷害他人，令目標人物有所損失。可以引申做借 Facebook 朋友去害人……應該得………掛
學校有你唔妥我，我唔妥你好正常，
反正放在學就你睇我唔到，我睇你唔到，眼不見為淨。
但係點解你要搬到返屋企繼續你唔妥我我唔妥你？
（消音〕，你都返左屋企就咪鬼繼續同你唔妥條友嘈啦！
去打鋪機唔好？
你搬到返屋企都要繼續同果個人「戰鬥」，唔會煩唔會厭嫁咩？
返到屋企就開開心心玩開心農場種下士多啤梨，
仲要對住個係學校都覺得好討厭既人？諗起都心煩。
以上。
小測試，
估下幾耐有人開個 group 「反對周X餘係自己個 blog 到講野 1999」
sosad
